Sv MATTERSBURG-Sk Sturm Graz

[Iniesta]

wonn i ma aunschau wia da do jancker mit 33 no o’ziagt!

und da sedloski mit 34 erscht! kau net spün und kämpft trotzdem am laufenden bond. wehrt goal um goal ob, und schiaßt uns a no ans ...

und da atan erscht! dem brummt no da schädl vom riadspü und steigt in jedn kopfboi eina ois gabats ka morgn … seid er si ongwischlt hot, is a wia gonz ausgwechselt.

jo bliaht do net an jedem burgnländer s herz?

1:1, a spü, des ma gwunnan hom ...

des woar irreregulär, irreregulär, woar des!

owa wos sog i do? die burschn hom kämpft, gspüt, graft, ois ob’s um ihr lebm gongan wär.

außerm didi, wäu der hot nur keppelt und da ilco is ummanondgstondn. jo wor dem net koid? dem muass doch koid gwesn sein? oda hot der vorm spü no wos graucht?

owa aus. die leistung hot passt. bis auf die 2 patienten, in trainer und in schiedsrichter hoid.

mir schickn altach innan obstiegskompf, huin die austria aus ihre uefacup-träume, versaun soizburg die masterschoft, steßn die tiroler in die 2. liga und huin uns am letzten tog den uefacupplotz vom lask zruck um donn nächsts joahr, womma wieda international san, in uefa-cup zu gwinnan.

und da kühbauer? wos wü der? glaubt nur weil er ba rapid und a poa joahr ba an spanischn und nochand ba an deitschn mittelständler woar is er da wödmaster? wos konn denn der scho außer schmäh reißn und bled ummanondkeppeln? soll er doch zu atv gehen, durt gem’s eahm a show wo er seine wuchtln druckn kau! er is eh a begnodeter komödiant, owa kicker is er kana mehr.

oba na! mit mir nicht, mit mir nicht. ois wos recht is

des werd i in pucher owa a no vazöhn.

und in lederer konn er glei a wieder zum briafmarkerlschleckn eintäuin. weil wos der tauscht hot, des woar net international, na! so konnst in der wechsel-liga beim grünen kreis aspang tauschn, owa net in da bundesliga wonns um wos geht. wiaso tuat der in mazedonier net außa? ohne onzeigetofl hätt i goa net gwusst dass der überhaupt gspüt hot. do hui i do in schutti eina, oder spü glei nur mit an stürmer.

und da naumoski is a nur no am plotz, damit sei dress a bissl a frische luft siacht und so kane lecha vo die mottn kriagt, wäu gspüt hot der scho länger nimma.

und da tetschgerl borenitsch … liefert amoi a guade partie ob, bewoahrt uns nebenbei kurz vorm schluß mit an wahnsinnsreflex no vorm 1:2 und donn is es erscht für die fisch, wäu si ana net beherrschn hot kennan.

owa die obwehrleistung hot passt, do gibt’s nix. da fuchsl lauft um an jedn bäu, da mörz-bua hot wia a anser gspüt, da csizi is kilometer gongan ois ob er für an marathon trainieren tat … sogoar da schutti, der eh nur 20 minuten am plotz is, der mitm bäu per sie is hot si bemüht, wenn a seine schuss eher an satelliten in die umlaufbauh onstott in boi ins goi bringen.

und donn da schwoarze erscht! der pfeift des gonze spü relativ passabel um donn ba da ollaletzten situation, an freistoß für uns, weit in der gegnerischn höiftn, obzupfeifn.

i bin haaß, so haaß bin i, auf 180 bin i … warat i a atombombn hätt ma jetzt an nuklearen winter.

aus, aus. i werd in präse bittn, dass er in constantini huid. der gibt si eh für an jedn dodlverein her, oiso kummt der a zu uns, a trainer-nuttn quasi. oda in zöihofa. owa da lederer? a marionettn vom didi, die goar net genau waß wos o’rennt.

beschwern wer i mi bam präse, jo beschwern. i siach do 10 spü vo uns, vo denan fost olle unentschiedn ausgehn und ma nur ans in linz bam lask gwunnan hom. owa i loss in kopf net hängen. mir gwinnan no olle ausständigen partien und san im herbst europareif und mit an neichn trainer und ohne in damischn didi und a ohne in naumoski hui ma nächsts joahr die masterschoft. die masse wird die spüler am mattersburger hauptplotz feiern, zujubeln wern’s ihnan …

i bin miad, i muass mi beruhigen, i geh mi jetzt duschn.

bearbeitet 22. März 2008 von Renne

[themanwhowasntthere]

haben wir echt das pech, dass der borenitsch nur gegen uns so gut hält?

[Iniesta]

haben wir echt das pech, dass der borenitsch nur gegen uns so gut hält?

könnte sein. normalerweise schimpf ich ja über ihn immer wie ein rohrspatz, aber heute hat er zumindest den einen punkt ganz, ganz festgehalten.

net auszudenken, wemma des no valorn hätten. i hätt randaliert ...

[FURIOSO]

Oida Renne kumm oba...Recht host jo e owa warum sprichst in Schmidt sein Nauman .So jetzt zu Meiner Einschätzung:Didi bitte für den Vorschul-Kindergarten melden(Es ist mir echt zu blöd,wie alt ist er denn...)"Für mich wars das,Ciao Didi BITTE Hör sofort auf weil was zu viel ist ist zuviel...sonst aussan Ilco(hodda gspült ) von allen passable Leistung(sogoa vom Fritz`l)Goce=Man of the Match.

[Sandmännchen]

kihi, der Renne hat sich ja gleich in der Reissn wie Frl. Kühbauer...Das ist ungarische Mentalitá

[Crisp]

jo da Kühbauer....

is und bleibt a Trottl....

[herr_obskur]

jo da Kühbauer....

is und bleibt a Trottl....

wegen genau diesen meldungen von irgendwelchen lask-hiaflan verteidigt man am schluss den kühbauer immer wieder...

[Iniesta]

wegen genau diesen meldungen von irgendwelchen lask-hiaflan verteidigt man am schluss den kühbauer immer wieder...

diesmal verteidige ich den kühbauer nicht mehr.

und nachdem ich erst bei dessen auswechslung gemerkt hab, dass der überhaupt auf dem platz war, verteidige ich auch den ilco nicht.

bearbeitet 23. März 2008 von Renne

[herr_obskur]

diesmal verteidig ich den kühbauer nicht mehr.

und nachdem ich erst bei dessen auswechslung gemerkt hab, dass der überhaupt auf dem platz war, verteidige ich auch den ilco nicht.

du verstehst aber das prinzip?

[Iniesta]

du verstehst aber das prinzip?

ja.

der gestrige abend war aber eine ausnahmesituation die hoffentlich einmalig gewesen ist. alle haben brav gespielt, tw. auch sehr gut, auch jene die in letzter zeit sehr in der kritik gestanden sind. man hat gemerkt dass sie die chance nächstes jahr vielleicht doch noch international spielen zu können zumindest wahren wollten.

all das ist aber weitgehend untergegangen und wird daher auch den wenigsten in erinnerung bleiben. die hauptschuld daran trägt mister "ich zerstöre mein denkmal und stoß mich selber vom sockel runter"-kühbauer.

[Johnny Cut]

Was der Kühbauer momentan aufführt ist echt ein Wahnsinn. War ein riesen Kicker und er hat sich in seiner Karriere oft ein bissl dämlich angestellt aber jetzt an seinem Karriereabend dreht er völlig durch.

Schade um so einen guter Fussballer.

[Sandmännchen]

Dabei war er mal so ein lässiger Typ...

http://www.youtube.com/watch?v=7dyjUR98izE

[FURIOSO]

Was ned welche Probleme da Didi hat, aber er hat sie.....