Pasching vs. SVR

[watchman]

haggod, koarl - hob i jetzt eh nu an plotz im gantua-mobil?

[Pimmi]

na, du warst nur fia s'koatenkaufen zuaständig

na, scherz beiseite - i glaub der liebe karl hat dir scho a platzerl reserviert.

[daKoarl]

Oiso es schaut momentan so aus:

Da Axeman und die Dolmfisch, da Pimmi und da Watchman san mit dem lieben Herrn Koarl im Gantua-Mobil dabei.

Axeman hat zwoa gmoant, daß da kloa Streiti mitsamt Frau a nu mitfoahn wü - gheat hob i diesbezüglich oba nu nix!

Zweng de Kosten waß i nu nix... moi schaun wiavü Benzin wir brauchen werden - wird aber sicher ned so oag!

Abfahrt - ?

Vorschläge, meine Herren (und Frau! ) !!! 15.00 Uhr? Is des zu bald? Fahren wir in Ried los oder muß i a Innviertelrundfahrt starten um alle abzuholen? Eberschwang mit dem Watchman lass i mir ja nu einreden, aber, Pimmi sei mir jetzt ned bös, Richtung Schärding möcht i echt ned fahren! Is a bisi a weng a zacha Umweg.

Aja... und des Geld für des transparent könnts ma bei der Gelegenheit a glei geben...

Soing Doing!

[Pimmi]

aber, Pimmi sei mir jetzt ned bös, Richtung Schärding möcht i echt ned fahren! Is a bisi a weng a zacha Umweg.

tuast du a bissi saufen, lieber koarl? i hab dir ja gestern scho gsagt, dass i beim autohof in haag zuasteigen kann, des is dann überhaupt koa umweg.

außerdem: richtung grieskirchen, und ned richtung schärding

[watchman]

i glaub 15:00 Uhr is a guate zeit, des dürft scho passen. und i glaub a kaum daß i abgeholt werdn muss, wird se scho wer findn der mi nach ried oder haag fiad, des liegt jo quasi eh am weg. fois doch möd i mi nu boid gnuag, und danke fias ongebot! i hobs jo imma gwusst daßd net so a unguata mensch sei konst wias den eindruck erweckt! na, scherzerl! und s'geld fürs transparent kriagst a am samstag!

[daKoarl]

@Pimmi: Jo, i sauf - bledaweis ned im Moment! Und du hast gsocht, daß du eventuell in haag zuasteigst, oba daß du des nu ned so genau woaßt! Und wenn ma si do ned um ALLES söbst kümmert, dann kummt ma jo nia zu wos! ( Aussa zu ana Köchtn! ) Oba paßt!

@Watchman: So liab bin i nua zu Leid, de wo mia a Köchtn besorgen! zum Pimmi zum Beispiel wa i nie so liab!

Oiso sogn ma moi Fünfzehnhundert Uhr derweil!

[axeman]

jawohl, fünfzehnhundert ist genehmigt. falls in linz gespielt wird, fahren wir dann früher weg?

dolmfisch & meinereiner brauchst weder in salzburg noch in the schmolln abholn (haggod, bin i witzig) - wir kommen schon irgendwie nach ried.

[Pimmi]

woaß da axeman scho, dass ma sein huat zum speiben hernehma soin? ... aber es is schließlich da oanzige, der sicher nix durchlasst, weil sunst nimmt uns da koarl ned mit, der hat ziemlich schiss dass eam wer des gantua-mobil voireiert

[watchman]

oiso i für meinen teil hätt doch den onstond daß i in mein eigenen huat speib, a wons durchsaftln würd! wo kumm ma denn do hin, won jeder wahllos in de kopfbedeckung eines ondaren reiat! so nicht, meine herren, so nicht!

[axeman]

danke lieber watchman, danke!!! zum glück (in diesem fall zu meinem) gibt es doch noch menschen mit anstand. also dieser pimmi wird mir immer suspekter... muss ich mich jetzt mit angst vor magensaftattacken ins stadion wagen? ja? ist es bereits soweit gekommen?

[Pimmi]

he - oba vom gas

da koarl hat gsagt er hat angst das eam wer ins auto speibt. i hab vorgschlagen er soit speibsackerl mitnehmen, er hat gsagt es wird nur in hiat gspieben, i hab eam gsagt meiner is ned dicht - da würd es woi de sitze treffen, dann samma se drauf kumma, dass dein huat ois oanziger sicher dicht is.

wurscht, i speib sowieso ned, solang mi koana anspeibt is ma ois recht.

[daKoarl]

Na iatzat oba , ge?!

Gspiem, wird ned im Mobil - nicht im Gantua-mobil!

Wei mir is des jo wurscht ob da Pimmi dem Axeman is Gnack reiat oda da Dolmfisch dem Watchman ins Gsicht - hauptsoch is, daß des nit im Gantua-mobil passiert!

Aussadem würd i sagen, daß da Axeman sowieso söm schuid is, wei wos kaft a si a an dichten Huat?! Eben!

I für mein Teil hab seinerzeit jo Weitsicht bewiesen, wei mei huat is nur temporär dicht - Genau wie i! Am Anfang hat er nu sei Gstalt, aber wenn er dann weitersauft ( da Huat, ned i! ), dann verliert er immer mehr sei Gsicht!

Oba eigentlich woit i jo nu wos andachts schreibsln:

Wia isn des mit de Hiat? Güt bei oizuoaga Kötn a Haubal a? bei eich werds eh wurscht sei, oba i konn ma de Kötn jo ned wegtschechan, so wia es!

[Pimmi]

oiso bitte, mit deim hauberl kannst brausen geh.

i hab leider kein bild gefunden, aber die firma eisbär hat da ja an feschen kompromiss herausgebracht: schaut aus wie ein hut, wärmt wie ein hauberl, sowas ist natürlich tragbar. wärmflasche unter dem hut geht eventuell auch, wird in der 2. halbzeit aber ein problem. oiso koarl, tua ned so mäderlhaft.

[daKoarl]

Eieiei...

Und wie schauts mit ana Haubm untam Huat aus? Is des "tragbar"?

Wei i fiacht grewa, daß des a ziemlich frische Partie werdn wird in Pasching... grauslig bisweilen!

[Tifozo]

Eieiei...

Und wie schauts mit ana Haubm untam Huat aus? Is des "tragbar"?

Wei i fiacht grewa, daß des a ziemlich frische Partie werdn wird in Pasching... grauslig bisweilen!

Bei uns drüben in Pasching wirds definitiv sauber grauslig werden am Samstag das Wetter.

Also Hauben unter Hüten, Hauben alleine, oder irgendwas, was zwar net so auschaut, aber den selben Zweck erfüllt, wär schon sehr empfehlenswert, sonst gfreats den Riedern noch die Ohrwascherl ab und des will ja ah keiner...