Der 1. Klasse A Thread

[hector]

Spielbericht Triester : MAC

Nach 2 Joah Pause woa wieder amoi Platzderby gegn Triester, immer a ganz besonderes Spü, weu ma si gegenseitig guat kennt. Und wegn dem Wintereinbruch vom Donnerstag hamma kloarerweise am Kunstrasen gspüt, was uns ja net so besonders gfreit, weu ma unsere 2 anzigen Niederlagen heuer auf dem Platz g´habt ham. Oba wurscht, mia woan zuversichtlich, dass ma die Serie dermoi brechn - da Fabian woa wieder dabei, dafia hat da Gerald aus verständlichen Gründen g´föht - und des Match hat mit aner Trauerminutn fian Bogner-Karl angfangen. Danach is glei zur Sache gangen - vü Tempo wias in an Derby hoit is und die Triester woa eigentlich von Anfang an a bissl besser.

Glei nach a poa Minutn steht da Dober-Andi nach aner Freistoßflankn frei und köpfelt knapp am rechten Eck vuabei. Mia san zwoa langsam a auf Touren kumman, woan a des ane oder andere Moi gfährlich, oba die Triester hat irgendwia den Ton angebn. Dann a Zweikampf zwischn Roman und Dober-Andi im Strafraum, da Andi fallt und glei drauf da berechtigte 11er-Pfiff - da Andi schnappt si söba die Kugel und schiaßt am Tor vuabei - hamma no amoi Glück g´habt! Und wia´s so is im Fuaßboi, wird sowas oft doppelt bestraft - etwa 10 Minutn später a Freistoß fia uns aus mindestens 30 Meter - da Maxl schiaßt und die Kugel senkt si übern Goalie zum 0:1 fia uns ins Tor!

Bis zur Hoibzeit woa´s dann a offener Schagabtausch - Chancen da und duat - da Schurl hat die ane oder andere fia uns g´habt und fia die Triester hätt da Andi dann doch troffen, da woa oba die Fahne vom Liri scho vuaher wegn an Abseits vom Huemer-Erwin obn, und außerdem san´s in die letztn Minutn vua da Pause 2 Moi allan vuam Thommi auftaucht - der hat oba souverän pariert.

Die erste Viertelstund nach der Pause hamma des Spü eigentlich guat kontrolliert und kaum mehr Chancen zualassn, dazua hätt da Fabian nach an scheenan Solo vom Philip fast des 0:2 gschossn, oba dann is die Triester immer stärker wuan. Immer mehr hohe Boin san in unsern Strafraum gflogn und Freistöße um den 16er san a mehr passiert. An sehr scheen gschossenen Freistoß vom Dober-Michl hat der Thommi super g´hoidn, es hat a einige brenzlige Situationen gebn, oba wirklich zwingende Chancen am Ausgleich ham´s eigentlich net g´habt. Die Zeit is fia uns grennt, oba mia ham uns immer weniger befrein kennan, den Boi nimmer dahoidn und der Druck is immer größer wuan!

Dann 10 Minutn vua Schluss wird a Flankn von da Triester vom Jasmin mitn Oberschenkel abblockt und nach Hands-Reklamationen entscheidet si da Schiedsrichter net ganz spontan oba nach a poa Sekunden doch no fia an Handsfreistoß am 16er - da Dober-Michl reagiert am schnellsten, flankt den Boi in Strafraum, mia bringen eam net weg und nach an unhoitbaren Schuss ins linke Eck is 1:1 gstandn. In der Situation woa´s sicher a Schiri-Fehlentscheidung, oba die Triester hat si den Ausgleich mehr ois verdient.

In die letztn Minutn is dann nix mehr passiert und nach dem Spüverlauf kenn ma mit dem 1:1 guat lebn, weu die Triester an dem Tag sicher die bessere Mannschaft woa und mia nach 2 Niederlagen endlich unsern 1.Punkt am Kunstrasen gmacht ham.

©www.margaretner-ac.at

[eazyberny]

Wen interessiert der MAC???

Der Msv is wichtig!!!

da das hier der "Der 1. Klasse A Thread" is interessiert uns jeder verein aus der besagten 1.klasse a...

natürlich is mir per der msv auch wichtiger

aba, nextn samstag spieln wir ja gegn triester also kanns nicht schaden bissi was übr de gegner zu erfahren

---------------------------------------------------------------

9. Spieltag 25.10.2003 - 26.10.2003

---------------------------------------------------------------

Kicker's/Caktus - Janecka Juwelen 3:0

Ajax - Union Mauer 3:2

Triester Mauser's - MAC 1:1

Stolzenberger - Union 12 -:- -> abgesagt

Dinamo Ottakring - FC Wien 2:0

Florio - MSV 81 2:0

Wienerfeld - Antonshof/Kledering 5:1

[Schapu]

De Triester woar wia erwortet die unangenehme "Krätzntruppe"... viele kleine "Nicklichkeiten" - für euch wirds wichtig sein "ned die Nerven zu verlieren".. ansonsten könnts ein paar "Rote" geben... also cool down!

[eazyberny]

wann bist du am platz gkommen?

weil das reservmatch hab ich live vorort miterlebt, nur hab ich nachher wegmüssn sonst hätt i ma de 1 eh angschaut

[Schapu]

dafia hat da Gerald aus verständlichen Gründen g´föht

Mein Beileid dem Bogi!

[eazyberny]

Mein Beileid dem Bogi!

möcht ich mich anschließn...

MEIN BEILEID

[vvr]

schade ....aber irgendwie haben wir die triester heute komplett verdient mit 4-1 heimgeschossen....

[Papa Bouba]

Stimmt!

EIne Scheißtruppe und wir waren besser und haben wirklich verdient gewonnen!

Wenn ich nicht so eine scheiße gebaut hätte,hättma vl auch 6:1 gewonnen!

Naja aber 4:1 is auch schön!

FORZA MSV 81

[Schapu]

Najo - 1:3 gegen Wienerfeld - damit kann ich zwar leben, aber irgendwie sind mir die nicht mehr ganz geheuer...

[eazyberny]

nächste woche ham wir die wienerfeld, bin scho gspannt...

in der ersten wird vamutlich nicht viel zu holn sein...

aba wie sind die so in der reserv? ihr habts 2:5 valorn,odr?

FORZA 4:1 SIEG

[eazyberny]

10. Spieltag 01.11.2003 - 02.11.2003

---------------------------------------------------------------

Janecka Juwelen - Union 12 0:5

MAC - Wienerfeld 1:3

Union Mauer - Florio 0:1

Kicker's/Caktus - Dinamo Ottakring 0:0

Antonshof/Kledering - Stolzenberger 2:1

MSV 81 - Triester Mauser's 4:1

FC Wien - Ajax 3:0

[hector]

Spielbericht MAC : Wienerfeld

Heimspü gegn den kloarn Tabönführer und da Wettergott hat´s scho wieder net guat gmant mit uns - die ganze Nacht hat´s gschitt wia mit Schaffeln und deshoib is wieder amoi da ungeliebte Kunstrasen zum Spün wuan. Dazua is uns da Ponleitner-Gscherde ausgfoin, weu er si an Wirbel vaschobn hat beim letztn Match.

Es woan erst a poa Sekunden gspüt und auf amoi ham mia a scho die erste Chance g´habt - nach Vualage vom Fabian hat da Kainz-Mike oba knapp vuabeigschossn. So is glei weidagangen und in da erstn hoibn Stund woa des Tempo sehr hoch. Nachdem da Luhovi (Ex-GAK-Spüla aus da Slowakei, der was jetzt bei Wienerfeld spüt) scho 2 Moi zagt hat, dass er scho ziemlich ausserragt in unserer Spüklass, hat er in da 10. Minutn eingnetzt. Nach an Corner woa er an Schriatt gschwinder wia mia und der Boi is scho in unsern Kreuzeck zappelt. Wer glaubt hat, dass des da Auftakt zu aner einseitigen Partie woa, hat si oba täuscht. Mia ham glei dagegn g´hoidn und es is weida a Schlagabtausch bliebn.

Dann a Foul am 16er am Fabian - Freistoß - da Maxl schiaßt - ma heat no an Kommentar aus da Wienerfeld-Faneckn: "Is scho weg!" - und der Boi woa so weg, dass er via Innenstangen ins Tor gsprungen is - 1:1! Des woa dann der Auftakt zu aner 1/4 Stund, wo mia Druck gmacht und a die ane oder andere Chance aussegspüt ham. Tor is uns leider kans gelungen und die Wienerfeld hat si wieder gfangen. 5 Minutn vua da Pause setzt si da erst 17-jährige Charles Eghareva auf da rechtn Seitn gegn den Jasmin durch, der versucht eam zum hoidn, oba da Charles stürmt weida Richtung 16er und genau an der 16er-Grenz fallt er - da Schiri pfeift 11er und da Luhovi tritt an: da Thommi errat zwoa die Eckn, fälscht den eh guat gschossenen Boi oba leider nur auf die Innenstangen ab, von wo er ins Tor springt - 1:2 und Pause!

Mia ham uns natürlich vuagnumman, dass ma weida degegn hoidn und Druck machn woin, oba dann hat der Verletzungsteufel zuagschlagn: da Kainz-Mike wird gfoult und glei nach dem Pfiff vom Schiri kippt da Uli ganz bled um und muass verletzt ausscheidn - a schlimmer Verlust, weu er bis duathin sehr stoak gspüt hat. Glei nach dem anschließenden Freistoß unser beste Chance: da Hermann dawischt den Abpraller, der Boi springt oba von da Innenlattn ins Feld zruck. Dann hamma uns sehr schwer tan und so a richtige Torchance hamma nimmer aussegspüt, obwohl mia eh alles probiert ham. Da hat net amoi was g´hoifn, dass da 2.slowakische Legionär von da Wienerfeld , da Jurasko, a nach aner gelbn Koatn wegn Matschkern net den Mund hoidn hat kennan und mit Gelb-Rot vom Platz gschickt wuan is.

Zu guter Letzt is uns da Eghareva in der letztn Minutn no davongrennt, weu mia no amoi alles nach vuan gschmissn ham und hat des entscheidende 1:3 gschossn. Dann woa´s aus und mia ham a des dritte Kunstrasen-Heimspü valuan. Die Wienerfeld hat oba zagt, dass sie net umsunst kloa Erster san, weu schlecht ham mia ganz sicher net gspüt.

© http://www.htu.tuwien.ac.at/~mac/

[Papa Bouba]

Scheiße schreib deutsch ich kann das ja nicht lesen!

Oder besser gsagt mir is das zu blöd und zu anstrengend um die Uhrzeit!

Kann man gegen die ne Chance haben oder nicht???

[hector]

wenn der luhovy nicht spielt oder ihr ihn kalt stellen könnt, habt ihr eine große chance.

[Papa Bouba]

DANKE!*fg*

Wir werden einfach unsern neuen Manndecker auf ihn Ansetzen und dann packen wir das schon!